Xəbər verdiyimiz kimi, hazırda həbsxanada olan meyxanaçı Rəşad Dağlının yeni görüntüsü yayılıb. Videoda ifaçının saçlarının ağarması, xeyli çəki atması diqqət çəkib.
Axşam.az-ın məlumatına görə, ailəsi bununla bağlı açıqlama yayıb.
"Yayılan video ilə bağlı çoxsaylı zəng və mesaj gəlir. Hamıya cavab verə bilmirik. Rəşad Dağlının səhhəti yaxşıdır. Narahatçılığa heç bir əsas yoxdur. Sağlamlıqla əlaqədar həkim məsləhəti ilə pəhriz saxlayıb, idman edib, çəki atıb. Videodakı görüntü tam reallığı əks etdirmir. İşığa görə saçları elə görünür. Narahat olmayın" deyə, yazıda qeyd edilib.
Qeyd edək ki, Rəşad Dağlı qonşusu - 1979-cu il təvəllüdlü İsgəndər Mehdiyevi avtomobilində bıçaqla qətlə yetirib. Hadisə 2022-ci il noyabrın 9-da baş verib. Rəşad Dağlıya qarşı Cinayət Məcəlləsinin 120.1 (qəsdən adam öldürmə) və 228.4-cü maddələri (qanunsuz soyuq silah gəzdirmə) ittiham irəli sürülüb, Bakı Ağır Cinayətlər Məhkəməsinin hakimi Leyla Əsgərova-Məmmədovanın hökmü ilə 9 il 6 ay müddətinə azadlıqdan məhrum edilib.
Mənbə: https://sonxeber.az