İstanbulun Sultangazi rayonunda, Çiğdem Kınay (45) naməlum səbəbdən oğlu Azad Kınay (20) ilə mübahisə etdikdən sonra odlu silahla vurularaq öldürülüb.
Sonxeber.az türk mediasına istinadən xəbər verir ki, ananın meyiti morqa aparılıb, polis isə qaçan Azad Kınayı tutmaq üçün əməliyyat başladıb.
Məlumata görə, beşinci mərtəbədə yaşayan Çiğdem Kınay və oğlu Azad Kınay arasında mübahisə alovlanıb. Mübahisə zamanı Azad Kınay anasına odlu silahla atəş açıb. Qadın yerə qanlar içində yıxılıb, oğlu isə evdən qaçıb. Bina sakinləri dərhal polis və təcili tibbi yardım briqadalarına xəbər veriblər.
Gələn tibbi heyət qadının həyatını itirdiyini müəyyən edib. Polis evdə ətraflı araşdırma aparıb, bina sakinlərindən məlumat toplayıb və ətrafdakı kameraları yoxlayıb. Hadisəni eşidərək hadisə yerinə gələn Kınay ailəsi isə sarsıntı keçirib.
Polis əməkdaşlarının araşdırmasından sonra Çiğdem Kınayın meyiti Yenibosna Adli Tibb Qurumuna aparılıb.
Sultangazi Rayon Polis İdarəsi və İstanbul Polis İdarəsi Cinayət Araşdırmaları Şöbəsi Azad Kınayı tutmaq üçün əməliyyat aparır. Hadisə ilə bağlı istintaq davam edir.
Mənbə: https://sonxeber.az