Yolda Başlayan Mübahisə Faciə Ilə Bitdi: Motosiklet Sürücüsü öldü

Yol hərəkəti zamanı baş verən mübahisə ölümə səbəb olub. Sonxeber.az türk mediasına istinadən xəbər verir ki, motosiklet sürücüsü Mehmet Tekelioğlu, işə gedərkən avtomobil sürücüsü Ahmet Doğru ilə mübahisə edib. Daha sonra Doğru motosikleti izləyərək ona avtomobili ilə çırpılıb. Tekelioğlu ağır xəsarət alaraq xəstəxanada ölüb. Hadisə yerindən qaçan sürücü və avtomobildəki U.S. adlı şəxs qısa müddət sonra saxlanılıblar. Ahmet Doğru "qəsdən adam öldürmə" ittihamı ilə həbs edilib, U.S. isə azadlığa buraxılıb. Təhlükəsizlik kamerası görüntülərində Doğrunun motosikletçiyə yaxınlaşıb avtomobili onun üzərinə sürdüyü görünür. Hadisə ilə bağlı məhkəmənin ilk iclası 17 oktyabrda keçiriləcək.