Sumqayıtda avtomobil təmiri ilə məşğul olan ustalar, müştərilərin etibarını sui-istifadə edərək ehtiyat hissələri oğurlamaqda şübhəli bilinərək saxlanılıb.
Daxili İşlər Nazirliyinin məlumatına görə, Sumqayıt Şəhər Polis İdarəsinin 4-cü Polis Bölməsi əməkdaşları tərəfindən keçirilən əməliyyat nəticəsində 34 yaşlı Q.Rəcəbov və 22 yaşlı A.Quliyev saxlanılıb.
Araşdırmalar zamanı məlum olub ki, bu şəxslər avtomobil ustası kimi fəaliyyət göstərirlər. Müştərilər avtomobillərini təmir üçün onlara etibar ediblər. Lakin ustalar, maşınların ehtiyat hissələrini gizli şəkildə çıxararaq digər avtomobillərin təmirində istifadə ediblər.
Hazırda faktla bağlı araşdırmalar davam etdirilir.