Bakıda qeyri-adi hadisə baş verib. Şəhər şossesində yerləşən evlərdən birində ər, arvadının TikTok-da yazdığı rəylərə görə onu döyüb.
Məlumata görə, 38 yaşlı E. Paşayev axşam saatlarında TikTok-da canlı yayım zamanı arvadının rəy yazdığını görüb. Bu, onda qısqanclıq hissi oyadıb və nəticədə əli ilə arvadının üz və başına dəfələrlə zərbələr endirib. Qadın yüngül xəsarətlər alıb.
Hadisə ilə əlaqədar E. Paşayev barəsində cinayət işi başlanıb. İstintaq zamanı onun ölkəni tərk etdiyi məlum olub. O və vəkili məhkəməyə müraciət edərək amnistiya aktının tətbiqini xahiş ediblər.
Məhkəmənin qərarı ilə E. Paşayev barəsində amnistiya aktı tətbiq edilib və o, məsuliyyətdən azad edilib.