Azərbaycanda Gənc Idman Edərkən HƏYATINI İTİRDİ - VİDEO

Bakıda yerləşən idman zallarının birində ölüm faktı qeydə alınıb. Xezerxeber.az-ın məlumatına görə, 35 yaşlı Toğrul Yaşar oğlu Tapdıqzadə idman edərkən qəfil halı pisləşib. Hadisə şahidlərinin sözlərinə görə, Toğrul Tapdıqzadə idman zalının əməkdaşlarına yaxınlaşaraq özünü yaxşı hiss etmədiyini bildirib. Əməkdaşlar tərəfindən onun qan təzyiqi ölçülüb və təcili tibbi yardıma zəng olunub. Məsələ ilə bağlı TƏBİB-dən bildirilib ki, oktyabrın 17-də saat 18:09-da Respublika Təcili və Təxirəsalınmaz Tibbi Yardım Mərkəzinə Xətai rayonu ərazisindən təcili çağırış daxil olub. Dərhal təcili tibbi yardım briqadası çağırış ünvanına cəlb olunub. 1990-cı il təvəllüdlü şəxsin kardiogen şok səbəbilə xəstəxanaya qədər ölüm faktı qeydə alınıb.