İsveç Səfirliyi, Naxçıvan Muxtar Respublikasına pilotsuz uçuş aparatları (PUA) ilə edilən hücumlarla bağlı Azərbaycanla tam həmrəyliyini bəyan edib.
Səfirlikdən verilən açıqlamada, bu hücumlar qətiyyətlə pislənilib və Azərbaycanın təhlükəsizliyini təhdid edən hər hansı bir addımın qəbuledilməz olduğu vurğulanıb. Səfirlik, vəziyyəti diqqətlə izləməyə davam edəcəyini bildirib.
Xatırladaq ki, martın 5-də İran ərazisindən Naxçıvana dron hücumu təşkil edilib. İran Silahlı Qüvvələri tərəfindən idarə olunan dörd PUA-dan biri Azərbaycan Ordusu tərəfindən zərərsizləşdirilib, digərləri Naxçıvan Beynəlxalq Hava Limanına və Şəkərabad kəndindəki təhsil müəssisəsinə zərər vurub. Hücum nəticəsində dörd nəfər yaralanıb.