Şahzadə Endryuya Qadağa Qoyuldu

Şahzadə Endryuya tacqoyma və dövlət mərasimləri də daxil olmaqla istənilən kral tədbirində iştirak qadağan edilib. Oxu.Az bu barədə "The Times" qəzetinə istinadən xəbər verir. Belə bir qərar mərhum maliyyəçi Cefri Epşteyn ilə bağlı davam edən qalmaqal fonunda Böyük Britaniya Kralı III Çarlzın şahzadə Uilyam ilə məsləhətləşmələrindən sonra qəbul edilib. Bukinhem Sarayından bəyan ediblər ki, artıq Endryu York hersoqu titulundan və ya digər rütbələrdən istifadə etməyəcək, çünki davam edən iddialar onu Əlahəzrət və kral ailəsinin işindən yayındırır. Xatırladaq ki, daha əvvəl kral III Çarlzın qardaşı şahzadə Endryu Epşteynlə əlaqələrinə görə York hersoqu titulundan imtina edib.