"ABŞ Ukraynaya Rusiyaya dərin zərbələr endirmək imkanı verir".
Oxu.Az-ın xəbərinə görə, bu sözləri ABŞ-nin NATO-dakı daimi nümayəndəsi Metyu Uitaker "Fox News"a verdiyi müsahibəsində deyib.
O, təxminən, bir milyard dollar dəyərində yeni silah partiyasının artıq Ukraynaya yola düşdüyünü qeyd edib. Həmçinin bildirib ki, bundan əlavə, Vaşinqton Kiyevə NATO müttəfiqləri hesabına hər ay təxminən bir milyard dollar dəyərində silah tədarük edir.
Metyu Uitakerin sözlərinə görə, Ukraynanın bu cür silahları əldə etdikdən sonra onlardan istifadə etməyə hazır olacağı ehtimalı yüksəkdir.
Qeyd edək ki, daha əvvəl "The New York Times" nəşrinin yazdığına görə, Donald Trampın müttəfiqləri ilə razılığı çərçivəsində ABŞ raketlərinin ilk partiyaları artıq Ukraynaya daxil olur. Danimarka, Niderland və Norveç tərəfindən ödənilən paketə 3 500 raket, həmçinin 825 milyon dollar dəyərində avadanlıqlar daxildir.
Mənbə: https://sonxeber.az