Göyçay rayonunun Potu kəndi yaxınlığından keçən Yuxarı Şirvan kanalında bədbəxt hadisə baş verib. 1995-ci il təvəllüdlü Ramin Elşad oğlu Abdullayev adlı şəxs kanalda batıb.
Fövqəladə Hallar Nazirliyi (FHN) dərhal hadisə yerinə xilasedicilər göndərib. Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları axtarış-xilasetmə əməliyyatlarına cəlb olunub.
Hazırda FHN qüvvələri Ramin Abdullayevin axtarışlarını davam etdirir. Əlavə məlumatlar veriləcək.