"Qədimi maşınların hər biri özəldir. Mən də öz avtomobilimə ikinci dəfə həyat vermişəm və bura gətirmişəm".
Bu sözləri Oxu.Az-a açıqlamasında "Ən qədim avtomobil" mükafatına layiq görülən Azad Kərimov deyib.
O, artıq beşinci dəfədir təltif olunur:
"Mənim avtomobilim 1947-ci il Amerika istehsalı "Plymouth" markalı avtomobildir. Maşınıma mən ikinci dəfə həyat vermişəm, götürüb buraya gəlmişəm. Qədimi maşındır. Qədimi maşınların hər biri özəldir.
Maşınımın əsas özəlliyi odur ki, onun bütün detalları özününküdür. Yığılarkən ona aid olmayan heç bir detaldan istifadə edilməyib. Bundan öncə keçirilən tədbirlərdə də avtomobilimi nümayiş etdirmişəm. Artıq beşinci mükafatdır ki, qazanıram. Daha öncə Gürcüstanda da birincini yerə layiq görülmüşəm".
Qeyd edək ki, Bakıda Azərbaycan Avtomobil Federasiyası (AAF) və Azərbaycan Respublikası Atçılıq Federasiyasının (ARAF) birgə təşkilatçılığı ilə klassik avtomobillərin və çövkən oyunu, at şousunun bir araya gəldiyi tədbirdə "Plymouth" markalı avtomobil "Ən qədim avtomobil" mükafatına layiq görülüb.
Mənbə: https://sonxeber.az